မနက်ဖြန်ရဲ့ထွက်ပေါက်
ပြန်စဉ်းစားမိတယ်... မွဲလိုက်တဲ့ဘ၀.. စုတ်ပြတ်သတ်နေတာ ကုန်းကောက်စရာတစ်ပြားမှ မရှိဘူးလို့ပြောရအောင်လဲ ထွက်ကျစရာပိုက်ဆံတောင်မရှိတာ.. စီးစရာ ရာဘာဖိနပ်ကလဲ အမြီးမှာ အပေါက်ဖြစ်နေပြီ..အရောင်လွင့်နေတဲ့ အ၀တ်အစားတွေနဲ့ ဆန်ကြမ်းကြမ်းကို ထမင်းအဖြစ်စားပြီး လူဖြစ်နေခဲ့တာ မနက်ဖြန်ဆို အသက် ၁၅ နှစ်ပြည့်တော့မယ်… ဒါကလဲ ကျွန်တော်ဒီကိုစရောက်တဲ့နေ့ကို ကျွန်တော့်မွေးနေ့အဖြစ် သတ်မှတ်ထားလို့ပါ…
သူများတကာပေးသနားစွန့်ကြဲတဲ့ ပစ္စည်းတွေနဲ့ပဲ ကျွန်တော် တစ်သက်လုံးလူလုပ်နေရတော့မှာလား… ပြန်စဉ်းစားကြည့်တော့ ဘယ်သူ့ကိုစိတ်နာရမှန်းတောင် မသိတော့ဘူး.. ကျွန်တော့်ကိုမွေးပြီး ရက်ရက်စက်စက်စွန့်ပစ်ခဲ့တဲ့ ကျွန်တော့်အမေလား.. ဒါမှမဟုတ် ကျွန်တော့်ကို အဲဒီလို စွန့်ပစ်ဖို့ ဖိအားတွေပေးခဲ့တဲ့ အဖေ့ကိုလား..
သိတတ်စအရွယ်ကတည်းက အဖေဘယ်သူလဲ..အမေဘယ်သူလဲလို့ ကျွန်တော်ဘယ်သူ့ကိုမှ လိုက်မမေးခဲ့ဘူး.. တစ်ကယ်ဆိုအဲဒီမေးခွန်းက ကျွန်တော့်ဘ၀မှာအမေးချင်ဆုံးမေးခွန်းနဲ့ အသည်းအသန်ကို လိုချင်နေတဲ့အဖြေတစ်ခုပါ.. ဒါပေမယ့် အဖြေပေးနိုင်တဲ့သူမရှိဘူးဆိုတာ သိသိကြီးနဲ့ လိုက်မေးနေရအောင် ကျွန်တော်ငတုံးမဟုတ်ပါဘူး..
လောကကြီးကို ကျွန်တော်မကြေနပ်ဘူး.. လူမှန်းသိတတ်စအရွယ်တည်းက အုတ်တံတိုင်းတွေ လေးဘက်လေးတန်ဘောင်ခတ်ထားတဲ့ လူငယ်သင်တန်းကျောင်းဆိုတာကြီးမှာ ကျွန်တော်ရောက်နေခဲ့တယ်.. ကျွန်တော့်အသိုင်းအ၀ိုင်းမှာ ရှိတဲ့သူအားလုံးကလဲ ကျွန်တော့်လိုအစွန့်ပစ်ခံတွေကြီးပဲ..အရာရာကို မကြေနပ်တဲ့ကျွန်တော်က ဂျွတ်ဆတ်ဆတ်မိုက်ကန်းကန်းလူငယ်လေးတစ်ယောက်အနေနဲ့ လူငယ်သင်တန်းကျောင်းမှာ နာမည်ကြီးပါတယ်..
ဆရာဆရာမတွေရဲ့ နှာခေါင်းရူံ့ခြင်းခံရတဲ့ကျွန်တော်ကရော ဘယ်သူ့ကိုအရေးလုပ်ပြီး လိုက်ပြုံးပြနေရမှာလဲ… ဆိုတော့ ကျွန်တော့်ပတ်ဝန်းကျင်က လူတွေက ကျွန်တော့်ကို အပေအတေတစ်ယောက်အဖြစ်နဲ့ပဲ သိကြပါတယ်.. ဒါတွေဟာ ကျွန်တော့်ရဲ့အပြစ်မဟုတ်ဘူးလို့ ကျွန်တော်ယုံကြည်တယ်… ကျွန်တော်လောကကြီးကို ရောက်ရှိလာတဲ့အခြေအနေနဲ့ ကျွန်တော့်ကို မွေးဖွားပြီး စွန့်ပစ်ခဲ့တဲ့ ကျွန်တော့်မိဘတွေရဲ့အနေအထားပေါ်မူတည်ပြီး ကျွန်တော်က ဒီလိုအရောင်ပြောင်းလာတာပါလို့ သူတို့ကို အပြစ်ပုံချချင်တယ်…
အလကားနေရင်းသွေးဆူနေတတ်တဲ့ကျွန်တော့်မှာ သည်းခံစိတ်ဆိုတာ လုံးဝမရှိတော့ဘူး.. ထစ်ကနဲရှိရင် ဒေါသအလျောက်လက်ပါလိုက်ရမှ… ကျွန်တော့်ကိုဆို အားလုံးကလဲ ရွံကြောက်ပါပဲ… မတည့်တဲ့တစ်ကောင်တော့ရှိတယ်.. ကျွန်တော့ထက်အကောင်ကြီးတဲ့ဘဲကြီးပေါ့..အသက်၂၀ကျော်ပါ… မနေ့ကအဲဒီကောင်နဲ့ရန်ဖြစ်တယ်… သူများအလှူပေးခဲ့တဲ့ တစ်ပတ်နွမ်းအ၀တ်အစားတွေထဲက အနက်ရောင်တီရှပ်တစ်ထည်ကို လုရင်းနဲ့ သူနဲ့ကျွန်တော်ရန်ဖြစ်ကြတယ်.....
သူကကျွန်တော့်ကိုတွန်းတယ်..ကျွန်တော်က ဘေးကခွေးခြေနဲ့ သူ့ခေါင်းကိုရိုက်တယ်.. နဂိုတည်းက ကြည့်မရတဲ့အရှိန်နဲ့ အဆက်မပြတ်ရိုက်လိုက်တယ်…ကျွန်တော်သတိဝင်လာတော့ သူကသွေးအိုင်ထဲမှာ မှောက်လျက်သား… နောက်ဆုံးသိထားတာက အဲဒီကောင်ကအခုဆေးရုံမှာ.. အခြေအနေကလုံးဝမကောင်းဘူးတဲ့…
ကျွန်တော့်ရင်ဘတ်ထဲကို ကြောက်စိတ်တွေစိမ့်ဝင်လာတယ်… စုတ်ပြတ်သတ်နေတဲ့ဘ၀နဲ့ ရှင်သန်နေရတဲ့အပြင်.. ထောင်ဆိုတဲ့ ဘောင်ကျဉ်းကျဉ်းထဲမှာ ကျွန်တော်နေရဦးမယ်ဆိုရင်…. ကျွန်တော်ဘာအတွက် အသက်ဆက်ရှင်ရမှာလဲ.. မျှော်လင့်ချက်ဆိုတာကဘာလဲ..
သူများတွေပြောသလို ပညာတတ်လူချမ်းသာကြီးတစ်ယောက်ဖြစ်အောင်ကြိုးစားမယ်ကွာ ဆိုတဲ့ ပေါကြောင်ကြောင်အိပ်မက်တွေကိုလည်းကျွန်တော် ဘယ်တုန်းကမှမမက်ခဲ့ဘူး.. မနက်ဖြန်ဆိုတာတွေကိုလဲ ကျွန်တော်မတွေ့ချင်တော့ဘူး…ကောင်းကင်ကိုမော့ကြည့်တော့ ကြယ်တွေကတလက်လက်နဲ့..
ဟုတ်ပြီ....အခုကျွန်တော့်ရဲ့ထွက်ပေါက်ကို ကျွန်တော်တွေ့နေရပြီ….ကျွန်တော့်မျက်လုံးတွေက ကျွန်တော်တို့ လူငယ်သင်တန်းကျောင်းရဲ့ထောင့်မှာရှိတဲ့ရေစင်ကြီး..အဲဒီထိပ်မှာ ကြိုးတစ်ချောင်းကိုချည်မယ်… ပြီးရင်အဲဒီကြိုးစကို ကွင်းလုပ်ပြီး ကျွန်တော့်လည်ပင်းမှာစွပ်ပြီးခုန်ချမယ်.. ဒါဆိုကျွန်တော့်အတွက် မနက်ဖြန်ဆိုတာမရှိတော့ဘူးပေါ့...အရမ်းကိုရိုးစင်းတဲ့အဖြေကို ကျွန်တော်ဘာလို့အခုမှတွေ့တာပါလိမ့်...
အဆောက်အဦးထဲဝင်ပြီး တိုင်ကပ်နာရီကို ကြည့်မိတယ်...ည၁၂နာရီထိုးဖို့ ၂၀မိနစ်လိုသေးတယ်.. မိနစ်၂၀ဆိုတဲ့အချိန်ဟာ ကျွန်တော့်ထွက်ပေါက်အတွက် ပြင်ဆင်ဖို့လုံလောက်တဲ့အချိန်ဖြစ်တန်ကောင်းပါရဲ့…
Labels: ၀တ္ထုတို |
6 comments:
ထွက်ပေါက်လေးတဲ့လား
အဲဒီထွက်ပေါက်က ဒီကလူတွေ သိပ်ထွက်ကြတာဘဲ။ အဖန်ငါးရာ ငါးကမ္ဘာ။ မီးမီးကြောက်ကြောက်။
ထွက်ပေါက် ကိုဖတ်ပြီးတစ်ခုခုကိုပြောချင်တယ်..ဘာပြော ရမှန်းမသိဘူး.....
ဂူဂူး ရဲ့ ထွက်ပေါက်လေးက... အင်း... ပြောတော့ ပါဘူးလေ... :P
ကောင်လေးကတော့ ထွက်ပေါက်ကိုတွေ့သွားတာပဲ...။ တချို့တွေကတော့ ထွက်ပေါက်ဆိုပြီး ထွက်သွားလိုက်တာ ၀င်ပေါက်ဖြစ်ဖြစ်နေတယ်...။
အစွန့်ပစ်ခံဘ၀နဲ့ ကြီးပြင်းလာရတဲ့ လူငယ်တစ်ယောက်ရဲ့ ခံစားချက် ၀တ္ထုတိုလေးက တကယ် သနားဖို့ ကောင်းပါတယ်။ စွန့်ပစ်ခံရတဲ့ ကလေးတစ်ယောက်ရဲ့ ရင်ထဲမှာ စိတ်ဒဏ်ရာတွေက သေရာပါ စွဲထင်သွားတာပဲနော်...။ သူရှာတွေ့သွားတဲ့ ထွက်ပေါက်က တစ်ဘ၀အတွက်တော့ လွတ်မြောက်မှုလို့ ပြောနိုင်ပေမယ့် သံသရာအတွက် ဆိုရင်တော့ .... ။
Post a Comment